18/3/17

Encontros do Plan de Mellora de Bibliotecas Escolares 2016-2017

Os días 16 e 17 de marzo o Palacio de Congresos de Santiago de Compostela acolleu unha vez máis os
ENCONTROS DO PLAN DE MELLORA DE BIBLIOTECAS ESCOLARES.


 


As coordinadoras das Bibliotecas que formamos a MICRORREDE A MARIÑA:
asistimos un ano máis a estes encontros moi enriquecedores, xa que nos permiten compartir experiencias, ideas... para levar a cabo a nosa práctica diaria nas bibliotecas dos nosos centros.
 
 

Tamén aproveitamos para concretar aspectos da exposición deste ano: "A Mariña con moita arte"; e para facer entrega de invitacións.

21/1/17

A nova Exposición vai tomando forma!

O xoves, 19 de xaneiro, tivemos unha nova reunión e tamén unha nova incorporación, o CEIP Castro de Ouro de Alfoz coa súa coordinadora da Biblioteca Eva: BENVIDA!. Agora xa somos 14 centros os que pertencemos a esta Microrrede PLAMBE A MARIÑA.

Na reunión concretamos moitos aspectos:

  • O título definitivo da exposición será "A MARIÑA CON MOITA ARTE"
    • As diferentes artes estarán presentes e repartidas polos diferentes centros: pintura, fotografía, caricaturas, cine, cantigas, arquitectura, monicreques, novas tecnoloxías, mosaicos...
  • Temos concedido por parte do Concello de Viveiro as seguintes instalación:
    • Sala de Usos Múltiples
    • Sala de Exposicións da Biblioteca Municipal
    • Teatro Pastor Díaz
  • As datas:
    • Do 15 de marzo ata o 18 de abril, preparación dos traballos das familias nas súas casas.
    • Exposición nos colexios a partir da semana anterior ao Día do Libro (23 de abril)
    • Venres, 5 de maio: Montaxe da Exposición na Sala de Usos Múltiples e na Sala de Exposicións da Biblioteca en Viveiro.
    • Do luns, 8 ata o xoves, 11 de maio, apertura da Exposición.
  • Temos confirmada a actuación de BRINCA VAI
  • Tamén temos repartidos os diferentes cometidos:
    • Elaboración do cartaz, díptico, prensa, protocolo...
Quedan todavía temas por concretar pero xa non hai marcha atrás, pois o traballo da Microrrede  segue a ser constante e dinámico.
Seguiremos informando!

30/9/16

Comezamos un novo curso

Na tarde do xoves, 29 de setembro, as coordinadoras e coordinador das bibliotecas que integramos a Microrrede PLAMBE A Mariña tivemos a primeira reunión deste novo curso.
Comezamos dando a benvida ao novo coordinador da biblioteca de O Vicedo, Carlos; tamén á nova incorporación do CEIP Plurilingüe Vista Alegre de Burela e á súa coordinadora, Nazaret.

Somos xa, un total de 13 centro participantes neste gran proxecto dinamizador das bibliotecas escolares da Mariña.







Puntos da orde do día:
  • Elección do tema a traballar: A literatura nas artes da Mariña
  • Planificación do traballo nos centro educativos
  • Datas de exposición nos centros e no Concello de Viveiro
  • Locais onde realizar a exposición e actividades dinamizadoras
  • Actividades dinamizadoras a realizar
  • Reparto de tarefas: cartelería, dípticos, invitacións ...
Son moitos os temas a tratar e que en vindeiras reunións iremos ampliando e acordando.

2/6/16

“SOÑO CUMPRIDO”

Esta entrada no blog escribiuna Mª Luz Iglesias López, integrante do grupo de biblioteca do CEIP Pedro Caselles Rollán. Son as vivencias dentro do equipo das bibliotecas escolares Microrrede A Mariña, durante estes cinco anos de existencia. 



   Un dos retos para unha mestra é atopar un grupo de compañeiros e compañeiras que leven a cabo propostas de traballo colaborativo; e eu atopeino no equipo da Microrrede da Mariña, en busca de fórmulas para motivar e implicar as comunidades do noso entorno no labor educativo do alumnado dos centros de ensino da Mariña.
   A Microrrede da Mariña constituíuse despois dunhas xornadas de Bibliotecas Escolares e tentamos que sexa un axente dinamizador e transmisor de valores culturais.
   Este último curso 2015-2016, como membro da Microrrede da Mariña, vivín una  experiencia inolvidable onde o traballo en equipo, as ganas de potenciar a literatura, a superación de dificultades, a autoavaliación e as propostas de mellora, reinaron nas reunións dende setembro ata maio.
   “OS SOÑOS DE MANUEL MARÍA” permitíronnos dinamizar as comunidades educativas arredor do gran escritor galego e provocaron a aparición de máis membros integrantes para a Microrrede da Mariña.
   Agora xa está composta por 12 equipos de Bibliotecas escolares de centros de ensino de educaciónn infantil, CEP, CEIP e IES.
   Eu tamén vivín un soño dentro da Microrrede da Mariña e agora que me traslado ao interior da provincia de Lugo, tratarei de facelo realidade alí onde me atope; para que outros axentes educativos poidan vivilo coma min.
   Espero que a Microrrede da Mariña se convirta nunha macrorrede porque as condicións nas que se atopa son favorecedoras para que o soño se cumpra.
   Moitas grazas e moita sorte a todas as integrantes da Microrrede da Mariña.

Mª Luz, mestra integrante da Microrrede da Mariña

30/5/16

Vídeo resumen publicado no blog BIBLIOCOVAS

Este é un video da exposición e as actividades dinamizadoras da Microrrede da Mariña que tiveron lugar no teatro Pastor Díaz para conmemorar as Letras Galegas e homenaxear a Manuel María. Agradecemos a todas as familias a súa colaboración tanto na realización dos traballos como na asistencia ás actividades de dinamización.

Música: "Todo me fala de ti" "Canta o cuco"(Uxía e Magín Blanco)


15/5/16

Xornada de clausura

Nesta entrada podemos ver os vídeos das actuacións do venres, 13 de maio,  
na exposición colectiva dos centros que forman a
MICRORREDE A MARIÑA
"Os soños de Manuel María"

RESUMO DA XORNADA EN FOTOS



CEP LOIS TOBÍO DE VIVEIRO

13/5/16

Hoxe clausura da exposición

A semana da exposición conxunta chega ao seu fin .

Unha ducia de centros participantes no presente curso. Traballo, ilusión, esforzo e sobre todo ... ANIMACIÓN .

Variedade, singularidade, interpretación... a obra de Manuel María dá para moito. Ademais da exposición, as actividades de animación á lectura que presentan os escolares e mestres dos Colexios participantes rematan hoxe. 

Poidemos ver de todo:

música, danza, recitados, teatro, contos,...

Hoxe clausurarán o CEP Lois Tobío de Viveiro con

"Aventuras e desventuras dunha  espiña chamada Berenguela"

e a profesora Ermitas Orol con

"De Rosalía a Manuel María... Poesía"

Actividade dinamizadora do xoves, 12 de maio

Nesta entrada podemos ver os vídeos das actuacións do xoves, 12 de maio,  
na exposición colectiva dos centros que forman a
MICRORREDE A MARIÑA
"Os soños de Manuel María"

RESUMO DA XORNADA EN FOTOS

 

CEIP DE CERVO


CEIP ANTONIO PEDROSA LATAS DE CELEIRO
1ª PARTE


CEIP ANTONIO PEDROSA LATAS DE CELEIRO
2ª PARTE



12/5/16

Recortes de prensa

Falan na prensa de hoxe de "Os soños de Manuel María" no Teatro Pastor Díaz de Viveiro. Exposición e actuacións da Microrrede de bibliotecas escolares da Mariña.
A Voz da Mariña (12/05/16)

Xornada do mércores, 11 de maio

Nesta entrada podemos ver os vídeos das actuacións do mércores, 11 de maio,  
na exposición colectiva dos centros que forman a
MICRORREDE A MARIÑA
"Os soños de Manuel María"

RESUMO DA XORNADA EN FOTOS


ACTUACIÓN DA EEI SAN ROQUE DE VIVEIRO


ACTUACIÓN DO CEIP Plurilingüe de COVAS

Actividades dinamizadoras do martes 10

Nesta entrada podemos ver os vídeos das actuacións do martes, 10 de maio, día da inauguración da
exposición colectiva dos centros que forman a
MICRORREDE A MARIÑA
"Os soños de Manuel María"

CEIP PLURILINGÜE SANTA RITA DE GALDO


IES MARÍA SARMIENTO - VIVEIRO



IES PERDOURO - BURELA

O IES Perdouro contribuíu o día da inauguración da exposición "Os soños de Manuel María" da Microrrede Plambe A Mariña cun recitado poético musicado.  Irina, Yaiza, Brais, Laura e Carla, alumnos de 2º de ESO, recitaron 4 poemas de Manuel María: Galiza, O amor, O poema, A Fala cuns interludios musicais de "O Son do ar" interpretados ao violín por Laura. Un acto curto pero moi emotivo. "Precisamos a lingua Se queremos vencer!"
 

11/5/16

Recortes de prensa

Falan na prensa de hoxe de "Os soños de Manuel María" no Teatro Pastor Díaz de Viveiro. Exposición e actuacións da Microrrede de bibliotecas escolares da Mariña. 

A Mariña do Progreso (11/05/16)
  
A Voz da Mariña (11/05/16)



Inauguración da exposición

O martes, 10 de maio, levamos a cabo a inauguración da Exposición "Os soños de Manuel María"; á mesma asistiron a Xefa Territorial de Educación Maricarmen Gueimunde, o asesor do CEFORE Manuel Sánchez, a concelleira de Cultura Lara Fdez, as coordinadoras das bibliotecas escolares que integran a microrrede, así como as comunidades educativas dos diferentes centros.
A continuación sucedéronse as diversas actividades dinamizadoras correspondentes a este día.
  • CEIP Plurilingüe Santa Rita de Galdo con "Os soños non poden estar engaiolados"
  • IES María Sarmiento de Viveiro con varias actuacións de alumnos e alumnas
  • IES Perdouro de Burela co recitado de varios poemas.
No seguinte vídeo podemos ver un resumo



 A NOTICIA NA PRENSA LOCAL
 "EL PROGRESO (A MARIÑA)"
   


10/5/16

Recorte de prensa

Falan na prensa de hoxe de "Os soños de Manuel María" no Teatro Pastor Díaz de Viveiro. Exposición e actuacións da Microrrede de bibliotecas escolares da Mariña. 
 
A Mariña do Progreso (10/05/16)
 

 

Montaxe da exposición

Na tarde do luns, 9 de maio, o profesorado e colaboradores dos centros educativos da MICRORREDE realizamos a montaxe da exposición "OS SOÑOS DE MANUEL MARÍA".
Nesta ocasión o entorno e ben diferente a anos anteriores, tivemos que adecuar o expazo ás nosas necesidades. O público será quen nos diga si está mellor ou non no Teatro Pastor Díaz de Viveiro.
Hoxe faremos a inauguración e as actividades  dinamizadoras.


19/4/16

Exposicións nos Centros Educativos

                                                        Entramos xa na quincena de Exposicións nos Centros Educativos dos traballos do Proxecto Microrrede PLAMBE A Mariña.
Cada Centro traballa un aspecto diferente dentro da vida e obra do autor homenaxeado nas Letras Galegas: MANUEL MARÍA.










Nos seguintes enlaces podemos ver algunhas das exposicións nos colexios.






12/4/16

Xornada de traballo

Durante a XORNADA do PLAMBE, o venres, 8 de abril, en Santiago, as compoñentes da MICRORREDE A MARIÑA, tivemos a oportunidade de compartir novas experiencias e ademais reunirnos para ultimar moitos dos preparativos  do novo proxecto deste ano "OS SOÑOS DE MANUEL MARÍA".
Os traballos xa están nas casas do noso alumnado e pronto realizaremos as exposicións nos colexios.
Son moitos os detalles que temos que ter presentes para a exposición no Teatro Pastor Díaz de Viveiro (este é o primeiro ano que cambiamos a ubicación, anteriormente expoñiamos no Salón Multiusos do Concello).
Tamén as actividades dinamizadoras requiren unha atención importante pois cada vez son máis numerosas.

6/4/16

Encontros do PLAMBE

Os días 7 e 8 de abril próximos celebraranse en Compostela os Encontros do Plan de Mellora de Bibliotecas Escolares do curso 2015/2016, polo que as compoñentes da Microrrede A Mariña acudirán a esta cita anual tan importante.

31/3/16

Posta en marcha do novo proxecto

Estes días os centros integrantes da Microrrede A Mariña están entregando a carta e os materias necesarios para levar a cabo o proxecto deste ano.
A carta levará esta introdución común a todos os centros:

Queridas familias:
Un ano máis queremos propoñer ás comunidades educativas dos centros que formamos a 
“Microrrede das Bibliotecas PLAMBE da Mariña” unha nova actividade, co gallo das celebracións 
nos meses de abril e maio do Día do Libro e Día das Letras Galegas,  que nos recordan a necesidade 
do fomento e dinamización da cultura, entendida como un ben común que propicia unha sociedade máis 
humana, igualitaria, crítica e libre.
  Este curso dita actividade xira en torno ao intelectual lucense, cunha marabillosa e extensa obra, 
  polo que o título non pode ser doutra maneira:
OS SOÑOS DE MANUEL MARÍA
  Ademais dos obxectivos de fomento da lectura, do gusto pola poesía e do pracer polo uso e goce dos libros, 
podemos resumir o obxectivo principal nas palabras do propio autor:


O idioma é a forza,
que nos xungue e sostén.
Se perdemos a fala
non seremos ninguén!
                             (fragmento de A FALA)                           


Publicacións nos blog dos centro: